I ftuar në “Info Nata” në Tëvë 1, Hykolli thotë se deri te kjo protestë kanë ardhur si pasojë e “injorimit” të tyre nga Qeveria.
Ai thotë se do të kërkojnë nga Qeveria që t’i pranojë Sindikatat në takime dhe të fillojnë “dialogun social”.
“Po në fakt ne në dhjetor si BSPK kemi mbajtur një takim dhe erdhëm në përfundim që me i dhënë qeverisë një kohë për të bërë projektligjin për paga, i kemi dhënë afatin deri në fund nuk kemi asnjë informacion dhe ne jemi përgatit të fillojmë me veprime sindikale, fillimisht do të bëjmë një protestë do të kërkojmë nga qeveria një dialog. Duhet të gjejë sa më shpejt kanalet të fillojë komunikimin. Ta pranojë dialogun me sindikatat që dmth të shkojnë në Ministritë përkatëse dhe të bisedojnë për problemet sindikale tash ne kemi një situatë jo të këndshme siç e thatë Ligji i Pagave ka ngecur marrëveshja kolektive e përgjithshme, kemi disa ligje që duhet sa më parë të ecin përpara”, tha Hykolli.
Sipas tij, pavarësisht se Qeveritë ndërrohen, ato duhet përkushtuar për zgjidhjen e problemeve të qytetarëve.
Tutje, Hykolli thotë se Ligji i Pagave duhet miratuar edhe për faktin se ka rritje ekonomike prej 9 – 10 për qind në vend.
“Fillimisht Ligji i Pagave bën një standard të punësuarit në Kosovë dhe mendoj që e rregullon anën financiare, e dyta po flasim për rritjen ekonomike dhe partneri ynë ka proklamu se kemi ngritje 9 deri 10 për qind dhe mendoj se krahas kësaj duhet menduar edhe për të punësuarit e Kosovës kur flasim edhe për çmimet që i kemi të ngritura. Po i shohim edhe problemet rajonale kanë bërë ngritje në të gjitha nivelet p.sh në Gjermani ki ngritje, bile edhe për fëmijët ka bërë një investim për fëmijët dhe për të punësuarit. Ne në momentin kur ka ngritje ekonomike atëherë mendojmë se duhet të ketë edhe ngritje të pagave dhe si mbështetje kemi kërkuar 100 euro për të punësuarit e Kosovës që mendoj është sado pak një zbutje”, shtoi ai./teve1.info/
