Huthitë e Jemenit kanë njoftuar se do të rifillojnë sulmet ndaj anijeve izraelite pasi të kalojë afati i tyre që Izraeli të lejojë rifillimin e dërgesave të ndihmave në Gaza.
Grupi i armatosur tha se ndalimi do të hynte në fuqi menjëherë duke shtuar se “çdo anije izraelite që përpiqet të shkelë këtë ndalim do të jetë në shënjestër në zonën e deklaruar të operacioneve”.
“Ndalimi” mbulon gjithashtu Detin Arabik, ngushticën Bab al-Mandeb dhe Gjirin e Adenit, tha grupi.
Grupi ndaloi sulmet e tij me dron dhe raketa, të cilat kishin shënjestruar anijet me lidhje të dobëta izraelite kur u shpall armëpushimi në Gaza në janar.
Megjithatë, pasi Izraeli bllokoi gjithë ndihmën për Gazën, ata në një deklaratë të martën thanë se, sulmet do të vazhdojnë derisa Izraeli të lejojë dërgesat e ndihmave në Gaza, raporton Al Jazeera.
Nga nëntori i vitit 2023, Houthi-t filluan më shumë se 100 sulme që synonin anijet në brigjet e Jemenit, duke thënë se veprimi i tyre ishte në solidaritet me palestinezët e Gazës.
