Një raketë e lëshuar nga Jemeni ra pranë terminalit kryesor të aeroportit Ben Gurion të Izraelit të dielën në mëngjes, thanë autoritetet izraelite.
Katër persona u plagosën për shkak të shpërthimit, ndërsa dy të tjerë u plagosën gjatë rrugës për në një strehë, raportuan mediat izraelite, duke cituar shërbimet e emergjencës.
Ministri i Mbrojtjes i Izraelit, Israel Katz, tha në një deklaratë: “Kushdo që na godet, ne do ta godasim shtatë herë më fort”.
Zëdhënësi ushtarak i grupit Huthi, Yahya Saree, tha në një deklaratë televizive duke paralajmëruar linjat ajrore ndërkombëtare se aeroporti izraelit “nuk ishte më i sigurt për udhëtime ajrore”.
Aeroporti tani është rihapur për fluturime, pasi i kishte ndaluar ato përkohësisht, raporton BBC.
Ndërsa raketa po afrohej, sirenat u aktivizuan në disa pjesë të vendit. Forcat Ajrore Izraelite thanë se po hetonin dështimin për ta kapur atë.
Pamjet e shpërndara nga mediat lokale treguan një krater të madh në tokë në vendin e impaktit.
Kjo shënoi lëshimin e tretë të raketave të tilla brenda dy ditësh, pas pretendimeve të mëparshme të Huthit për shënjestërimin e bazës ajrore Ramat David dhe rajonit të Tel Avivit.
