Deputeti i Vetëvendosjes, Fatmir Humolli thotë se për dy vite i vetmi ndryshim në gjendjen në Kosovë ka qenë ndërrim i partive politike në pushtet.
Madje Humolli në Tëvë1, tha se tashmë kanë kaluar dy vite që kur Vetëvendosje u kishte premtuar qytetarëve se gjendja në Kosovë do të përmirësohej, kurse sipas tij, kjo Qeveri nuk ka arritur të ndryshojë.
“Kanë kaluar dy vite kur edhe ka përfunduar fushata elektorale që i kena premtuar qytetarëve tanë që ka me pasur ndryshime esenciale në raport me gjendjen në Kosovë me zhvillimet në Kosovë në raport me qeverisjet e kaluara. Kur shifet për dy vite i vetmi ndërrim është që kanë ndërruar partitë politike dmth ato parti politike që kanë drejtuar vendin për 20 vite kanë shku në opozitë kurse ndërrimi në esencë e gjendjen në Kosovë nuk ka arritë me u ndryshu me qeverisjen aktuale”, tha ai.
Humolli në emisionin “Ditari”, tha se pavarësisht që Vetëvendosje nuk është si partitë politike të cilat kanë qeverisë me vendin, sipas tij, qytetarët në të ardhmen duhet të mos i besojnë “llafeve” por punës së partive politike.
“Po nuk është krejt si PDK si LDK e AAK, por misionin që e ka marrë si Vetëvendosje dhe fushatën elektorale që e kemi bë me qytetarët nuk ka aritë me e realizu për këto dy vite thuajse asgjë. Kurse i vetmi ndrrim është ky që është bërë ndrrimi që ka pasë nevojë me pas një ndërrim të klasës politike, por jam i bindur që ai ndërrimi politik është i shëndetshëm për me pa gjendjen që njerëzit në të ardhmen kur dalin me votu mos me i besu kërkujt për shkak të llafeve të mira, por me i pa për shkak të punës që e bëjnë”, shtoi ai./teve1.info./
