Jamal Musiala ka shkaktuar shqetësim të madh pasi pësoi kolapsin e dytë në fushë brenda vetëm katër ditësh. Pas këtyre episodeve, mediumi gjerman BILD kontaktoi profesor Christoph Kleinschnitz, drejtuesin e departamentit të neurologjisë në Spitalin Universitar të Essenit, për të marrë një vlerësim profesional rreth gjendjes së mundshme që po prek yllin e Bayernit.
“Nga këndvështrimi neurologjik, kjo potencialisht mund të jetë një krizë epileptike. Mund të bëhet fjalë për një formë të epilepsisë së mungesës, pasi simptoma të tilla si periudhat e shkurtra të mosreagimit janë në përputhje me të. Megjithatë, do të na duhej t’i dinim të gjitha rezultatet e ekzaminimeve neurologjike për të bërë një vlerësim të tillë. Është një gjendje që mund të trajtohet, por do të kërkonte terapi afatgjatë. Musiala mund të vazhdojë të luajë futboll”, u shpreh ai.
