Në “Info Nata” në Tëvë 1, Hoxha theksoi se në arsimin universitar, ndër reformat që mund të mirren janë Vettingu, çështja e plagjiaturave e verifikimi i titujve akademik.
“Ne e kemi përmend Vettingun në arsimin e lartë kryesisht, por në të gjitha nivelet e arsimit në Kosovë…plagjiatura, verifikimi i titujve akademik. Të gjithë profesorët që kanë marrë tituj akademik në kohë të caktuar, me i verifiku ata tituj, sepse me ata tituj ata kanë marrë edhe përgjegjësi, kushtimisht po them, por më shumë kanë marrë privilegje në këtë shoqëri”, tha ai.
Tutje, ai shtoi se kolegjet private në vend duhet që të shndërrohen në organizata jofitimprurëse, pasi siç thotë ai, një kolegj privat kur është i regjistruar si biznes ka për qëllim fitimin, e jo cilësinë.
Sa i përket arsimit parauniversitar, Hoxha potencoi se mjafton një testim për arsimtarët, rrogat të bëhen sa të duan dhe infrastruktura të përmirësohet. /Teve1.info/
