Ish-zëvendësministri i Punëve të Brendshme, Valdet Hoxha, ka thënë se arrestimet e disa personave të dyshuar për spiunazh tregojë se Kosova ka kapacitete për mbrojtjen e sigurisë kombëtare.
Ai ka thënë se operacionet e tilla dhe arrestimet janë të rëndësishme për sigurinë kombëtare por janë sfiduese edhe për shtete më të konsoliduara.
“Operacionet kundër spiunazhit janë kruciale për mbrojtjen e rendit dhe sigurisë publike, rendit kushtetues dhe sigurisë kombëtare. Është sfiduese edhe për shtetet me një qëndrueshmëri të shumë të mirë të rendit kushtetues dhe ligjor dhe përvojë të gjatë të shtetndërtimit. Këto operacione ky seriozitet tregojnë që institucionet e Kosovës tashmë kanë mbërri një ndërtim solid që në bashkëpunim me institucionet ndërkombëtare tregon që Kosova ka kapacitete të tilla ta mbrojë sigurinë kombëtare dhe tregon që Kosova nuk është imune ndaj këtij imuniteti”, ka thënë Hoxha në emisionin “Ditari” në Tëvë1.
Gjashtë persona janë arrestuar nga institucionet e Kosovës për spiunazh.
I fundit ishte arrestimi i togerit të Policisë së Kosovës, Bojan Jevtiq i arrestuar të enjten.
Ai sot ka dal para gjykatës ku i është caktuar masa e paraburgimit.
“Armë, dy milionë denarë serbë” – Krejt çka u gjet në shtëpinë e policit të dyshuar për spiunazh
