Ambasadori i Amerikës në Kosovë, Jeff Hovenier, ka thënë se e mbështet ministrin për Kthim dhe Komunitete, Nenad Rashiq, për kthimin e serbëve në Kosovë, raporton teve1.info
Përmes një cicërime në Twitter, Hovernier ka shkruar se kthimi i serbëve në Kosovë dhe ofrimi i sigurisë për ta mbetet prioritet i lartë për ShBA-në.
“Takimi i mirë me Ministrin për Komunitete dhe Kthim Rashiq. Të vlerësojmë përpjekjet e ministrit dhe ekipit të tij për të mbështetur të gjithë ata që dëshirojnë të ushtrojnë të drejtën e tyre të kthimit në kushte dinjiteti dhe sigurie. Ky mbetet një prioritet i lartë për Shtetet e Bashkuara dhe partnerët tanë.
Hovenier ndërkohë e ka postuar edhe një takim me ministrin e Kulturës, Hajrullah Çeku, me të cilin tha se ka biseduar për trashëgiminë kulturore, muzikën e sportin e Kosovës.
Hovenier tha se këto aktivitete thellojnë lidhet e forta me ShBA-në.
“E shijova bisedën sot me ministren e Kulturës @HCeku në një sërë nismash të vazhdueshme të fokusuara në trashëgiminë kulturore, muzikën, sportin dhe artin e 🇽🇰. Të gjitha këto aktivitete thellojnë lidhjet e forta që kemi ndërtuar së bashku mes amerikanëve dhe kosovarëve nga të gjitha sferat e jetës”, ka shkruar ai.
Enjoyed the conversation today with Minister of Culture @HCeku on a range of ongoing initiatives focused on 🇽🇰's cultural heritage, music, sport, and art. All of these activities deepen the strong ties we've built together between Americans and Kosovans from all walks of life. pic.twitter.com/WpzG7cCKv9
— Ambassador Jeff Hovenier (@USAmbKosovo) August 14, 2023
