Ambasadori i Shteteve të Bashkuara të Amerikës në Prishtinë, Jeffrey Hovenier ka falënderuar ish-ministrin e Mbrojtjes së Kosovës, Armend Mehaj për bashkëpunimin.
Hovenier përmes një shkrimi në Twitter i ka uruar suksese Mehajt.
“Vlerësoj mundësinë për të falënderuar ish-ministrin e Mbrojtjes Mehaj për shërbimin e tij dhe bashkëpunimin dhe partneritetin tonë të ngushtë gjatë mandatit të tij. Duke i uruar më të mirat në përpjekjet e tij të ardhshme”, ka shkruar Hovenier.
Mehaj sot dha dorëheqja si ministër i Mbrojtjes në Qeverinë e Kosovës.
