Ministri në detyrë i Ministrisë për Punë, Familje dhe Vlerat e Luftës Çlirimtare, Andin Hoti, ka hedhur kritika në drejtim të kryetarit të Lidhjes Demokratike të Kosovës, Lumir Abdixhikut, rreth situatë aktuale politike.
Hoti, në postimin e tij, ka shkruar se Abdixhiku, përmes posteve institucionale po mundohet që t’i qetësojë problemet dhe apetitet e brendshme.
‘‘Ndërkaq LDK-ja, në vend që rezultatin zgjedhor ta lexojë siç është, po tenton që votën e qytetarëve ta shndërrojë në monedhë për pazare të brendshme. Po kërkon që apetitet dhe problemet e veta të brendshme t’i qetësojë me pozita institucionale të cilat qytetari nuk ia ka dhënë me votë. Jo! Demokracia nuk funksionon kështu’’, ka shkruar Hoti në Facebook.
