Deputeti i LDK-së, Avdullah Hoti së bashku me kolegun e tij nga grupi parlamentar, Driton Selmanajn, kanë vizituar Urën mbi Drinin e Bardhë në Rogovë të Hasit.
Hoti ka shkruar se kjo urë e dëmtuar paraqet rrezilk për qarkullim.
“Bashkë me deputetin z. Driton Selmanaj dhe anëtarët e degës së LDK-së në Gjakovë pamë se asnjë veprim nuk është ndërmarrë deri më sot. Para se të jetë vonë edhe një herë bëj thirrje të trajtohet me prioritet ky rast”, ka shkruar Hoti.
Sipas tij vonesa në realizimin e projekteve kapitale ka shkaktuar 1 miliard euro dëme për qytetarët dhe ekonominë.
“Tanimë është e qartë se kjo qeveri nuk i ka prioritet këto projekte dhe nuk do t’i kryejë në mandatin e mbetur prej një viti e gjysmë. Kjo shihet edhe nga raporti i buxhetit për periudhën janar-mars 2023, ku pothuajse të gjitha projektet kapitale janë me shpenzime zero. Për më tepër, jo vetëm që nuk i shpenzon mjetet e veta, por qeveria i ka bllokuar edhe shumë projekte të komunave duke mos ua bartuar mjetet vetanake”, ka shkruar Hoti.
