Sipas tij, këto politika tregojnë se nëse dikush shpallet fajtor, dënimet janë të larta.
“Dënimi ndaj Mustafës por edhe dënimi ndaj Haradinajt e Gucatit ka treguar një pasqyrë se kjo Gjykatë ose shkalla e parë e ka një politikë të lartë ndëshkimore, në rastet ku shpallen fajtor, politika ndëshkimore është e lartë… Dhe mbetet të shihet, unë nuk mund të predikoj diçka se mendoj se është jokorrekte, por politika ndëshkimore në këtë Gjykatë deri tani tregojnë që nëse shpallesh fajtor, dënimet janë të larta”, deklaroi ai në “Ditari” në Tëvë 1.
Më 16 dhjetor, Dhomat e Specializuara në Hagë kanë dënuar me 26 vjet burgim Salih Mustafën, të shpallur fajtor për krime të luftës, ndalim arbitrar dhe vrasje të paligjshme. Ndërsa, Hysni Gucati e Nasim Haradinaj janë shpallur fajtor dhe në maj të vitit 2022 u dënuan me nga katër vjet e gjysmë burgim dhe nga 100 euro gjobë.
Teksa gjykimi ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi do të fillojë më 1 mars të këtij viti. /Teve1.info/
