Real Madridi raportohet se po shqyrton mundësinë e transferimit të mbrojtësit të Bayer Leverkusenit, Piero Hincapie, për të forcuar repartin defensivë para sezonit të ri.
Sipas ESPN, Hincapie u është ofruar gjigantëve spanjollë, të cilët janë në kërkim të një qendërmbrojtësi për shkak të mungesave të vazhdueshme.
Lëndimet e David Alabas dhe Eder Militaos kanë lënë Realin me opsione të kufizuara në qendër të mbrojtjes, ku aktualisht në dispozicion janë vetëm Antonio Rudiger, Huijsen dhe Raul Asencio.
Megjithatë, paraqitjet jo bindëse të Asencios në Kupën e Botës për Klube kanë ngritur pikëpyetje për gatishmërinë e tij në ndeshje me intensitet të lartë.
Hincapie, i cili është reprezentues i Ekuadorit, ka punuar më parë me trajnerin Xabi Alonso te Leverkuseni, një faktor që mund ta lehtësojë përshtatjen e tij te Real Madridi.
Përveç se qendërmbrojtës, ai mund të luajë edhe si mbrojtës i majtë, duke i shtuar fleksibilitet skuadrës së Ancelottit në prapavijë.
Real Madridi do të vazhdojë ta ndjekë situatën e Hincapies, ndërsa vendimi përfundimtar do të varet nga ritmi i rikuperimit të Alabas dhe Militaos.
