Ish-diplomati amerikan Christopher Hill gjatë dëshmisë së tij në Hagë, ka folur për zgjedhjet e 22 marsit të vitit 1998 dhe nëse UÇK i kishte njohur.
Ai ka thënë se nuk i kujtohet kjo gjë, pasi siç ka thënë ai kjo nuk ishte puna e tij.
Hill ka thënë se ai synonte një plan për autonominë e Kosovës dhe UÇK-ja të ishte pjesë e saj.
“Nuk më kujtohet kjo, por dua të shtoj se janë përmendur, po nuk ka qenë relevante për punën time. Por kjo ishte një provë që UCK-ja donte të ishte pjesë e një qeverie, qeveri që nuk e njohte pjesa tjetër e botës. Nuk ishte kjo puna ime, puna ime ishte të krijoja një plan autonomie dhe doja që UCK –ja të ishte pjesë e dialogut për autonominë e Kosovës. Persona që nuk ishin pjesë e LDK-së dhe rrjedhimisht ishin të UCK-së nuk i njohën zgjedhjet”, ka thënë ai. /teve1.info/
