Ka përfunduar bastisja e hetueseve të krimeve ekonomike të Policisë së Kosovës në Agjencinë për Zhvillimin e Bujqësisë, e nisur në orët e mëngjesit me urdhër të Prokurorisë Speciale.
Bastisja përveç në AZhB është zhvilluar edhe në tri lokacione tjera.
Prokurori, Admir Shala në një deklarim për media ka dhënë detaje në lidhje me bastisjen që është duke u zhvilluar të martën në Ministrinë e Bujqësisë, Agjencisë për Zhvillimin Bujqësor, dhe Lokacioni i Kompanisë përfituese të kontratës.
Shala ka thënë se hetimi është duke u zhvilluar në lidhje me dyshimet për dhënien me qera të fabrikës për përpunimin e nënprodukteve shtazore.
Për këtë bastisje ka folur edhe ministrja në detyrë e Drejtësisë, Albulena Haxhiu e cila e ka mbrojt kolegun nga Ministria e Bujqësisë, Faton Peci.
Ajo ka thënë se ministri është interesuar që ky rast të zbardhet dhe krejt këtë e ka quajtur plan për dëmtimin e ministrit dhe kryeministrit./teve1.info/
