Ka përfunduar gjyqi i kryetarit të Kuvendit, Glauk Konjufca për hedhje të gazit lotsjellës.
Palët para gjykatës, kanë thënë fjalët përfundimtare.
Prokuroria kërkoi që Konjufca të shpallet fajtor dhe të marrë dënimin maksimal.
“Është vërtetuar se i pandehuri, Glauk Konkufca e ka përdorur mjetin e rrezikshëm, sikurse në aktakuzë. Nga provat materiale, është vërtetuar se policia ka dalë në vendin e ngjarjes dhe se afër vendit ku ka qenë ulur, Glauk Konjufca është gjetur një bombolë e gazit lotsjellës” është shprehur prokurori, Besart Mustafa.
Ndërkohë, avokatja e Konjufcës, në fjalën e saj përfundimtare, ka thënë se përgjatë shqyrtimit gjyqësor nuk është vërtetuar fajësia e Konjufcës.
“Nuk është argumentuar teza e aktakuzës se klienti im ka përdorur mjetin e rrezikshëm. Prokuroria ka dështuar të vërtetohet se më 10.08.2016, Konjufca ka përdorur gaz lotsjellës. I propozojmë Gjykatës, që ndaj të mbrojturit tim, të merr aktgjykim lirues” ka thënë avokatja, Arbnore Zeqiri.
