Nënkryetari i Lidhjes Demokratike të Kosovës (LDK), Lutfi Haziri pak para nisjes së seancës së 43-të për konstituim deklasoi se s’po sheh ndonjë përpjekje nga Lëvizja Vetëvendosje që ta gjejë një marrëveshje politike.
Ai tha se shkuarja e partive politike çdo 48 orë në Kuvend e ka rënduar dhe është bërë ironi për qytetarët.
“Cinizmi, ironia e kanë rënduar dhe e kanë bërë më nevrike ardhjen tonë çdo 48 orë. T’i kthehemi realitetit. Ata që e shtijnë në opsion shpërndarjen e Kuvendit, ata që e shtijnë në opsion dënimin e deputetëve, mund t’ju them lirisht që e shtyjnë në funksion shantazhin politik”, deklaroi ai para gazetarëve.
Ai tha se marrëveshja politike bëhet me mirëbesim, duke thënë se “në Kosovë nuk ka fitues të mëdhenj”.
“Ka fitues me të drejtë të fituar që të ulet dhe të punojë me njerëz, me partitë politike, me deputetë – të gjejë rrugë. Por këto nuk po i shohim ende, nuk po i shohim në asnjë situatë”, tha ai.
