Deputeti i PDK-së i ftoi deputetët që të mos bien pre e presionit politik, shkruan teve1.info
“Ne garojmë në zgjedhje në parti të ndryshme, por këtu të gjithë betohemi në ditën e parë se do të punojmë për interesin e qytetarëve të Kosobvës. Sot po ju ftoj që të tregoni integritet, të votoni të lirë, mos bini pre e presionit politik për të votuar kundër interesit të qytetarëve, kundër betimit të deputetit që e keni dhënë dhe qytetarët kanë votuar për neve, që ne t’i përfaqësojmë ata dhe sot presin votën tonë pro Projektligjit”, tha ai.
Haxhiu shtoi se “bashkëpunimi për të tejkaluar krizën është i domosdoshëm”.
Projektligji për tërheqjen e mjeteve nga Trusti ka qenë në rend dite edhe dje, por që ka dështuar në mungesë kuorumi.
PDK-ja e mbështetur nga partitë e tjera opozitare kanë bërë vazhdimisht thirrje për kalimin e këtij Projektligji, por Lëvizja Vetëvendosje përgjithësisht vazhdon ta ruajë qëndrimin që nuk do të votojnë për një tërheqje të Trustit. /Teve1.info/
