Ministrja në detyrë e Drejtësisë, Albulena Haxhiu ka reaguar pas vdekjes së dyshimtë të një 27-vjeçari në Lipjan, për të cilin janë arrestuar pesë zyrtarë policorë nën dyshimet për “vrasje nga pakujdesia”.
Haxhiu ka thënë se është kryer të hënën autopsia e të ndjerit, Agon Zejnullahu, duke theksuar se IML është duke bërë përpjekje maksimale për të kryer sa më shpejt analizimin histopatologjik dhe toksikologjik të mostrave.
Më tej ajo ka thënë se IML ende nuk ka dorëzuar asnjë raport preliminar për këtë rast.
“Me urdhëresë nga Prokuroria Themelore në Prishtinë dje është kryer autopsia e të ndjerit Agon Zejnullahu. IML është duke bërë përpjekje maksimale për të kryer sa më shpejt edhe analizimin histopatologjik dhe toksikologjik të mostrave indore të marra gjatë autopsisë në mënyrë që të përfundojë sa më shpejt raporti i autopsisë. Instituti i Mjekësisë Ligjore ende nuk ka dorëzuar asnjë raport preliminar për këtë rast”, thuhet në reagimin e Haxhiut në Facebook./teve1.info/
