Ka nisur intervistimi i ministres së Drejtësisë, Albulena Haxhiu, e cila sot do të intervistohet në Prokurorinë Speciale në Prishtinë mbi deklaratat e saj se grupe kriminale të lidhura me pushtetin në Serbi kanë gisht në arratisjen e disa të burgosurve në Kosovë.
Ajo kishte thënë se mbështetja e Serbisë për të arratisurit në Kosovë “është padyshim e qëllimshme, e organizuar dhe e lidhur me qëllim për të dëmtuar rendin publik, kushtetues e ligjor të Kosovës”.
Haxhiu ka thënë se për shkak të informacioneve “kundërthënëse” nuk mund të dihet me siguri nëse Faton Hajrizi është vrarë dhe se nevojitet hetim i gjerë dhe i thellë, për të zbardhur të vërtetën e këtij rasti./teve1.info/
