Sipas Haxhiut, askush nuk ka dhënë llogari dhe as përgjegjësi për këtë rast.
“Skandali i fundit i gjymtimit të kufomës në spitalin Pejës u bë i ditur falë medieve sepse drejtori, përgjegjësit e SSHKUK-së, përgjegjësit e ministrisë janë përpjekur ta fshehin krimin për 8 ditë. Pasi nuk ka dorëheqje morale, ftoj inspektoratin të hetoj fshehjen e krimit për tentim të fshehjes së krimit”, tha Haxhiu.
Sipas tij, mungesa e përgjegjësisë së llogaridhënies është shndërruar në normalitet dhe në dukuri.
“Ju ftoj të jepni dorëheqje nga komisioni për shëndetësi, ta shuani atë komision dhe ta emëroni një ministër. Atë për çfarë e keni formuar komisionin, për ta shkarkuar ministrin Latifi, e keni arritur por nuk keni arritur ta realizoni asnjë premtim. Kërkoj përgjegjësi për skandalet dhe keqpërdorimet e njerëzve që i keni emëruar në shëndetësi”, tha ai.
