Ministrja e Drejtësisë, Albulena Haxhiu në Ditën Ndërkombëtare të Gruas ka thënë se bota e civilizuar ka një mision ende të pa përmbushur drejt barazisë së plotë gjinore.
Ajo duke uruar 8 Marsin, theksoi se kjo ditë është reflektim dhe angazhim drejtë barazisë për gratë kudo në botë.
“Bota e civilizuar ka një mision ende të pa përmbushur drejt barazisë së plotë gjinore. 8 Marsi është urim për reflektim dhe angazhim drejt barazisë për të cilën gratë kudo në botë me ngulm luftojnë veçanërisht tash e 1 shekull. Le të festohet përherë 8 marsi, si ditë e nisjes së pa përfunduar të një kampanje globale kundër diskriminimit, shtypjes dhe pabarazisë”, ka thënë ajo
Tutje ajo ka thënë se si ministre e Drejtësisë do të angazhohet për mundësi dhe të drejta të barabarta për të gjitha vajzat dhe gratë.
“Duke uruar 8 Marsin, uroj për më shumë angazhim të të gjitha vajzave e grave për të drejta dhe mundësi të barabarata! Së bashku do të rrugëtojmë drejt aspiratës së domosdoshme të barazisë”, tha tutje ajo./teve1.info./
