“Ajo që nuk do të bëjmë dhe duhet të thuhet po ashtu, siç e ka përsëritur vazhdimisht presidenti Biden, është se nuk do të dërgojnë trupat amerikane në Ukrainë për të luftuar me rusët. Por, jemi në gatishmëri të mbrojmë aleancën tonë të NATO-s dhe aleatët tanë, çdo centimetër të territorit të NATO-s dhe do të bëjmë këtë”, u shpreh Harris, në intervistë për NBC.
Harris tha se aleatët do të vendosin sanksione shtesë ndaj Rusisë.
Ka shtuar se efekti i sanksioneve po vërehet.
“Rubla është në rënie të lirë”, ka thënë Harris.
Ajo po ashtu përgëzoi presidentin e Ukrainës, Volodymyr Zelensky për guximin e tij.
Harris nuk la pa përmendur edhe sulmet që u janë bërë civilëvë duke thënë se po bëhet shkelje e madhe e të drejtës ndërkombëtare.
Ndërsa për presidentin e Rusisë, Vladimir Putin, Harris pati një mesazh.
“Ajo që historia do të tregojë është se Vladimir Putin do të përfundojë duke e forcuar NATO-n dhe duke dobësuar Rusinë”, tha Harris.
