Kryetari i Aleancës për Ardhmërinë e Kosovës, Ramush Haradinaj ka reaguar ndaj sulmit të mbrëmshëm ndaj Izraelit.
Haradinaj përmes një postimi në Facebook, ka shkruar se ky sulm ndaj Izraelit është edhe ndaj vlerave të lirisë dhe demokracisë.
“Vlerat tona të përbashkëta sot cenohen seriozisht dhe Kosova duhet të rreshtohet pa asnjë mëdyshje me NATO-n, ShBA-të dhe Izraelin, në mbrojtje të lirisë”, ka shkruar ai.
Tutje, ai ka thënë se qëndron me Izraelin, sipas tij, e ndanë të kaluarën e dhimbshme dhe siç thotë Haradinaj, e din se sa kushton liria.
Ndryshe, mbrëmjen mes 13 dhe 14 prillit, Irani sulmoi Izraelin me dronë dhe raketa, në shenjë hakmarrjeje për një sulm vdekjeprurës në konsullatën e tij në Siri, më 1 prill./teve1.info/
