Daut Haradinaj, ish-deputet i Aleancës, i është bashkuar protestës që është organizuar sonte para ndërtesës së Qeverisë së Kosovës.
Ai në një lidhje direkte në emisionin “Këndi i Debatit” në Tëvë1, ka thënë se sot ishte ditë e keqe për Kosovën, kur u dënuan katër ish-krerët e UÇL-së në Hagë, Hashim Thaçi, Kadri Veseli, Jakup Krasniqi e Rexhep Selimi.
“Sot ishte dita më e keqe pas luftës në Kosovë për mua personalisht dhe qytetarët. Gjithsesi kjo është një betejë e humbur, por jo edhe lufta. Gjyqtarët sot thanë në emër të popullit merret vendimi, gjithçka mund të thonë, por vetëm në emër të popullit jo”, ka thënë Daut Haradinaj.
Ai vlerëson se sonte Kosova do të duhej që në parlament ta shpërbënte Gjykatën Speciale.
“Sot do të duhej të ishin të gjitha institucionet funksionale. Sonte do të ishte dashur që parlamenti të diskutonte shpërbërjen e kësaj gjykate. Gjykata na dha një dënim kolektiv, u dënua një sakrificë dhe u dënuam sikurse Millosheviqi që i ka mbushur frigoriferat me shqiptarë dhe i ka dërguar në Serbi. Marre për deputetët që sonte nuk janë në parlament, marre për ministrat që sonte nuk janë me popullin. Sot nuk është dënuar Thaçi për Burojë, ose Selimi për Aqarevë, por janë dënuar në luftën për liri”, theksoi Haradinaj.
“Dënimi i tyre i ka gëzuar serbët dhe i ka dëshpëruar shqiptarët”, përfundoi Daut Haradinaj.
