14 ushtarët britanikë që humbën jetë gjatë shërimit të tyre në Kosovë janë përkujtuar sot në një ceremoni solemne në Prishtinë.
Këta ushtarë i nderoi kreu i AAK-së, Ramush Haradinaj, i cili thotë se ata heronj dhanë gjithçka për paqe dhe liri.
“Në sheshin “Edit Durham” në kryeqytet, vendosëm lule në Memorialin e Dëshmorëve të Mbretërisë së Bashkuar, duke nderuar kujtimin e tyre dhe duke forcuar lidhjen e miqësisë e të partneritetit të përhershëm që na bashkon. Kosova, e ndërtuar mbi themelet e sakrificës dhe flijimit, qëndron krah për krah me botën demokratike. Sot, në këtë rrugëtim të përbashkët, synimi ynë është anëtarësimi direkt në NATO përmes Planit Aksional, për t’i shërbyer paqes, sigurisë dhe stabilitetit në rajon e në botë”, ka shkruar i pari i AAK-së në Facebook.
Ndërkohë, mëngjesin e sotëm nderime te Memoriali i Dëshmorëve të Mbretërisë së Bashkuar bënë edhe komandanti i FSK-së, Bashkim Jashari dhe ministri i Mbrojtjes, Ejup Maqedonci.
