Deputeti nga Aleanca Ramush Harandinaj para nisjes së vazhdimit të seancës, tha se Lëvizja Vetëvendosje me qëllim e kanë djegur afatin kushtetues për konstituimin e Kuvendit.
“Tash ky debat ka vlerë dje deri në mesnatë. E meqë se veç afati kushtetues ka kaluar, më nuk ka rëndësi, pra nuk ka efekt. Ajo që është më e keqe është se Kurti, Albulena e të tjerë, me qëllim ja kanë djegur Kosovës afatin kushtetues me zgjedhë institucionet. Edhe ja si ka ndodhë. Për shembull, certifikimi i rezultateve ka ndodhë para më shumë se një muaj. Diku rreth 40 ditë. Nuk kanë ndërmarrë asnjë veprim që do të ishte përgatitje për seancën e parë. E kanë shtyrë seancën në datën e fundit me qëllim. Dhe me qëllim e kanë djegur afatin kushtetues me zgjedhë kryesinë e Kuvendit, pra me konstituuar Kuvendin, me zgjedhë kryetarin, me zgjedhë Qeverinë, me zgjedhë Presidentin”, tha Haradinaj.
Ai tha se të gjitha të tjerat janë interpretime rrethanore.
“Të gjitha të tjerat janë interpretime rrethanore. Pra, jemi në një situatë kur me qëllim Kurti, Albulena e shumë të tjerë me ta, ja kanë djegur Kosovës afatin kushtetues me zgjedhë institucionet”, shtoi ai.
