Lideri i AAK-së, Ramush Haradinaj, ka reaguar pas vdekjes së akademik Rexhep Qosja.
Ai ka vlerësuar se Kosova ka humbur një nga figurat më të rëndësishme të jetës akademike.
Në profilin e tij në Facebook, ai ka shkruar se ndarja e tij nga jeta lë një boshllëk të madh në fushën akademike.
“Kosova humbi një nga figurat më të rëndësishme të jetës akademike. Përpjekjet e pandalshme të Akademik Qosja, veçanërisht në avokimin e të drejtave të shqiptarëve gjatë periudhave të vështira të okupimit, mbeten dëshmi e qartë e kontributit të tij të jashtëzakonshëm në jetën publike dhe shkencore. Ndarja e tij nga jeta lë një boshllëk të madh në fushën akademike, por vepra, mendimi dhe trashëgimia që la pas do të mbeten përgjithmonë pjesë e kujtesës dhe historisë sonë. I përjetshëm qoftë kujtimi për akademik Rexhep Qosja”, ka shkruar ai.
