Haradinaj në Facebook tha se Kosova ka arritur të ndërtojë demokraci të qëndrueshme dhe zhvillim falë ndihmës së aleatëve.
Sipas tij Korporata e Sfidave të Mijëvjeçarit (MCC), është dëshmi e vazhdimësisë së këtij partneriteti afatgjatë mes dyja vendeve.
“Sot kisha nderin të pres në takim zonjën Sarah Olmstead drejtoreshë e Misionit të MCC në Ambasadën Amerikane në Prishtinë, me të cilën bashkëbiseduam për sfidat në të cilat po kalon Kosova, dhe e falënderova për kontributin e shkëlqyeshëm të MCC, që përmes projekteve të shumta, dinamizojnë zhvillimet në forcimin e ekonomisë, sigurisë dhe demokracisë në vendin tonë”, ka shkruar Haradinaj.
Ai tha se ka konfirmuar edhe njëherë mbështetjen për projektin e gazsjellësit amerikan Shkup-Prishtinë, dhe programeve tjera në dobi të qytetarëve.
“I konfirmova edhe njëherë mbështetjen time për projektin e gazsjellësit amerikan Shkup-Prishtinë, si dhe për projektet e tjera strategjike në dobi të qytetarëve dhe Republikës së Kosovës”, ka shkruar tutje ai.
