Në të gjitha qendrat e votimit në Komunën e Zubin Potkut ka nisur procesi i votimit me kohë.
Gjithashtu, edhe materiali zgjedhor është shpërndarë.
Ekipi i Tëvë1 nga qendra e votimit në shkollën fillore “Osman Rama” në fshatin Çaber ka bërë të ditur se ende asnjë qytetar nuk e ka shfrytëzuar të drejtën e votës.
Ndërkohë, menaxheri i kësaj qendre ka bërë të ditur se gjithçka është gati për votim.
“Procesi zgjedhor ka filluar me kohë, materiali ka ardhur në 06:00 të mëngjesit. Shkolla ka qenë e gatshme. Komisionerë kanë ardhur me kohë. Materiali është shpërndarë. Janë dy qendra të votimit. Deri më tani gjithçka është në rregull”, tha Hasani.
Sipas udhëzimit administrativ që mundëson largimin e kryetarëve të komunave, të miratuar shtatorin e vitit të kaluar, që ky votim të jetë i suksesshëm, duhet 50 për qind, plus një votë e qytetarëve me të drejtë vote./teve1.info/
