Kandidati i Partisë Demokratike të Kosovës për kryeministër, Bedri Hamza, ka theksuar se një qeveri e udhëhequr nga ai do të fokusohet në punë konkrete dhe rezultate për qytetarët.
Në një video të publikuar gjatë një tubimi elektoral në rrjetin social Facebook, Hamza ka thënë se Kosova ka nevojë për stabilitet institucional, lidership serioz dhe funksionim efikas të shtetit.
Sipas tij, qytetarët presin më shumë rezultate dhe më pak retorikë politike, duke theksuar se udhëheqja duhet të matet me punë dhe jo me deklarata.
Hamza ka shtuar se qëllimi i tij është ndërtimi i një qeverie që fokusohet në funksionimin e institucioneve dhe përmbushjen e nevojave të qytetarëve, duke e quajtur këtë model “qeveri të punës”.
