Kandidati për kryeministër nga radhët e PDK-së, Bedri Hamza ka thënë se Sindikata e Shëndetësisë nuk po kërkon asgjë më shumë sesa atë që mjekët e meritojnë.
Hamza ka premtuar rritje të pagave për 50% për mjekët, infermierët dhe stafin tjetër shëndetësor.
Tutje, ai ka premtuar edhe sigurim shëndetësor për të gjithë qytetarët.
“Sindikata e Shëndetësisë nuk po kërkon asgjë më shumë sesa atë që mjekët e meritojnë: mbështetjen e duhur dhe kushtet që u mundësojnë të ofrojnë kujdes më të mirë dhe të shpëtojnë jetë.
-Rritje 50% të pagave për mjekët, infermierët dhe stafin tjetër shëndetësor.
-Investime në pajisje dhe teknologji moderne.
-Një buxhet të qëndrueshëm për sektorin e shëndetësisë, duke garantuar ilaçe dhe shërbime cilësore.
-Sigurime shëndetësore për të gjithë qytetarët e Kosovës.
Unë i mbështes kërkesat e Sindikatës së Shëndetësisë për ta prioritizuar mirëqenien e atyre që kujdesen për ne”, ka shkruar ai.
