Kreu i Partisë Demokratike të Kosovës (PDK), Bedri Hamza, ka kujtuar 28-vjetorin e masakrave të ndodhura në fshatrat Likoshan dhe Qirez, ku civilët të pafajshëm u ekzekutuan nga forcat e regjimit serb më 28 shkurt 1998.
Në një postim në Facebook, Hamza theksoi se këto ngjarje tragjike mbeten ende plagë të hapura, pasi drejtësia për viktimat ende nuk është arritur.
Ai theksoi se liria që Kosova gëzon sot është amanet i atyre që dhanë jetën për të dhe se amaneti i tyre është që populli i Kosovës të mos hesht kurrë përballë padrejtësive. “Lavdi të përjetshme të gjithë atyre që ranë për lirinë tonë!”, përfundoi Hamza.
