Kandidati i Partisë Demokratike të Kosovës për kryeministër, Bedri Hamza, ka deklaruar se në zgjedhjet parlamentare të 28 dhjetorit qytetarët do t’i japin përgjigje, siç tha ai, arrogancës së pushtetit aktual.
Gjatë një tubimi elektoral të PDK-së të mbajtur në Gjilan, Hamza u ka bërë thirrje qytetarëve që të votojnë për një shtet që, sipas tij, punon dhe u shërben të gjithë qytetarëve pa dallim.
“Nga Gjilani, sepse Kosova do të ecë përpara me të gjithë qytetarët e saj. Më 28 dhjetor, arroganca e pushtetit përballet me votën tuaj. Votoni numrin 130. Votoni për një shtet që punon dhe iu shërben vetëm qytetarëve”, ka shkruar Hamza në një postim në Facebook./teve1.info/
