Kryetari i Partisë Demokratike të Kosovës, Bedri Hamza, ka zhvilluar një takim pune me kryetarët dhe përfaqësuesit e komunave që udhëhiqen nga kjo parti.
Në këtë takim është diskutuar për sfidat aktuale me të cilat përballen komunat, si dhe për nevojën e rritjes së koordinimit dhe bashkëpunimit institucional. Hamza ka theksuar rëndësinë e angazhimit të përbashkët për përmirësimin e jetës së qytetarëve dhe zhvillimin e qëndrueshëm lokal.
“Një takim pune me kryetarët dhe përfaqësuesit e komunave që udhëhiqen nga PDK-ja. Në kohë sfidash, përgjigjja jonë është e qartë: punë dhe koordinim i vazhdueshëm. Jemi të përkushtuar për një Kosovë më të mirë për qytetarët.”, ka shkruar Hamza.
