Kryetari i PDK-së, Bedri Hamza, ka kritikuar “ofertën” e fundit të kryeministrit Albin Kurti lidhur me procesin e zgjedhjes së presidentit.
Hamza ka thënë se çdo propozim i bërë në momentet e fundit para afatit është vetëm lojë politike dhe jo zgjidhje serioze për institucionet e vendit.
Sipas tij, përgjegjësia shtetërore kërkon punë dhe konsensus të hershëm, jo iniciativa të vonshme që shërbejnë për arsye politike.
Ai theksoi se institucionet nuk duhet të përdoren si platformë për beteja politike apo narrativë, por për arritjen e marrëveshjeve konkrete.
Hamza shtoi se mungesa e seriozitetit në këtë proces e bën të pamundur ndërtimin e bashkëpunimit politik dhe gjetjen e një zgjidhjeje për presidentin e ri.
