Kryetari i Partisë Demokratike të Kosovës, Bedri Hamza, ka bërë të ditur se Fatmir Limaj do ta mbështesë PDK-në në zgjedhjet e 7 qershorit.
Pas një takimi mes tyre, Hamza përmes një postimi në Facebook ka thënë se kjo mbështetje përfaqëson një hap drejt bashkëpunimit afatgjatë politik dhe institucional.
“Po, Fatmir Limaj do ta mbështesë Partinë Demokratike të Kosovës në zgjedhjet e 7 qershorit – dhe jo vetëm. Me Fatmirin na kanë bashkuar vlera, ideale dhe përgjegjësia për vendin”, ka shkruar Hamza.
Ai ka shtuar se Kosova ka nevojë për “bashkim, seriozitet dhe bashkëpunim në interes të qytetarëve”, ndërsa ka falënderuar Limajn për mbështetjen dhe gatishmërinë për bashkëpunim.
