Kandidati i PDK-së për kryeministër, Bedri Hamza, ka falënderuar përkrahësit e kësaj partie në tubimin e hapjes së fushatës zyrtare.
Hamza tha se e ardhmja e Kosovës varet nga zgjedhjet e 9 shkurtit.
“Mbi të gjitha, faleminderit për bindjen tuaj që Kosova mundet ma mirë! Jeni ju, qytetarët optimistë, premtimi ma i mirë për vendin tonë. E ardhmja e Kosovës varet nga zgjedhjet e 9 shkurtit. Jam i bindur që qytetarët do të vendosin për drejtimin duhur që duhet të marrë shteti jonë. Unë qëndroj para jush i gatshëm për t’ju udhëhequr. Sepse, së bashku dua ta nisim një kapitull të ri. Një kapitull shprese, uniteti dhe progresi”, tha ai.
Ndërkohë, deklaroi se qytetarët të bashkuar mund të ndërtojnë një Kosovë më të mirë.
“Sot jemi mbledhur këtu, jo vetëm si individë, por edhe si forcë e bashkuar. Jemi këtu të bindur se Kosova meriton më shumë mundësi, më shumë dinjitet dhe më shumë prosperitet. Bashkë mund ta ndërtojmë një Kosovë ma të mirë”, deklaroi Hamza.
