Kryetari i Partisë Demokratike të Kosovës, Bedri Hamza, ka pritur sot në selinë e partisë ambasadorin e Gjermania në Kosovë, Rainer Rudolph.
Gjatë takimit, Hamza ka thënë se kanë zhvilluar një bisedë të hapur lidhur me zhvillimet politike në vend dhe procesin zgjedhor të 7 qershorit.
Ai ka shprehur shqetësimin për sfidat me të cilat po përballen qytetarët si pasojë e krizave të vazhdueshme dhe stagnimit ekonomik, duke theksuar nevojën që Kosova të rikthejë stabilitetin, besimin dhe perspektivën zhvillimore.
Hamza gjithashtu ka rikonfirmuar angazhimin e PDK-së për mbajtjen e zgjedhjeve të lira dhe demokratike.
Në fund, ai ka falënderuar ambasadorin Rudolph për mbështetjen e vazhdueshme që Gjermania i ka dhënë Kosovës në proceset shtetformuese./teve1.info/
