Kryetari i Partisë Demokratike të Kosovës, Bedri Hamza, ka bërë thirrje që çdo votë të numërohet me kujdes dhe të respektohet plotësisht vullneti i qytetarëve.
Përmes një postimi në Facebook, Hamza falënderoi qytetarët për pjesëmarrjen e tyre në zgjedhje dhe theksoi rëndësinë e mbarëvajtjes së procesit zgjedhor.
Ai gjithashtu vlerësoi rolin e komisionerëve, vëzhguesve, mediave dhe forcave të rendit në sigurimin e një procesi të qetë dhe dinjitoz.
“Qytetarët e Kosovës treguan qytetari, përgjegjësi dhe kulturë demokratike. Demokracia nuk përfundon me hedhjen e votës në kuti, por vazhdon edhe me respektimin e saj. Le të kujdesemi së bashku që çdo votë e qytetarëve të ruhet dhe të mbrohet deri në fund,” shkroi Hamza.
