Kryetari i Komunës së Vitisë, Sokol Haliti, thotë se shkurtimet buxhetore në këtë komunë janë evidente.
Ai tha shkurtimet buxhetore në investime kapitale kanë qenë të rënda, duke shtuar se kanë shkaktuar dëme në buxhet.
“Ato janë të ditura, janë evidente. Shkurtimet buxhetore në investimet kapitale së pari kanë qenë të papritura dhe të rënda për neve, që na kanë shkaktuar dëme në buxhet dhe në prishjen e strukturës së saj. Ndarje e re buxhetore që ka bë segreracion ndaj komunave edhe aspekti politik edhe etnik për shkak se ne kemi bërë krahasime.
Haliti tha se për kokë banori në Artanë janë ndarë 98.6 për qind, ndërsa për Vitinë vetëm 4 euro.
“Me Artanën kemi bërë krahasime, ku për kokë banori atje janë ndarë në ndarjen e re buxhetore 98.6, ndërsa për Vitinë janë ndarë 4 euro. Edhe në pikëpamje politike edhe etnike është evidente. Si, qysh dhe pse iu shkon për fytyre atyre që e kanë bërë, konkretisht ministrit të Financave, i cili në ndarjen e re buxhetore ka qenë selektiv dhe unë ja them publikisht”, tha ai në emisionin “Info Nata” në Tëvë1.
Lidhur me raportimet se Qeveria shumicën e investimeve i ka orientuar te komunat ku qeverisë LVV, ka reaguar ministri i Financave, Hekuran Murati.
Ai ka thënë se ndarja e buxhetit u bë në mënyrë proporcionale dhe barabartë nëpër të gjitha komunat, përmes grantit qeveritar./teve1.info/
