Kandidati për kryetar të Komunës së Ferizajt nga Lëvizja Vetëvendosje, Enver Haliti ka premtuar ndërtimin e një fabrike të re për përpunimin e ujit për të zgjidhur problemin e mungesës së ujit të pijshëm në këtë komunë.
Haliti në emisionin “Këndi i Debatit” në Tëvë1 ka theksuar se kjo do të jetë mëse e mjaftueshme për të përmbushur nevojat e qytetarëve të Ferizajt dhe fshatrave përreth.
“Komuna e Ferizajt përballet me mungesë të jashtëzakonshme të ujit të pijes duke përfshirë edhe pjesën urbane të qytetit, por edhe fshatrat. Ne në mandatin e ardhshëm do ta ndërtojmë një fabrikë të re të përpunimit të ujit e cila ndodhet në fshatin Pleshinë ku kapacitetit ekzistues i përpunimit të ujit është 220 litra për sekond. Ne me fabrikën e re që është financim nga ministria e Ekonomisë do të ndërtojmë një fabrikë të re e cila e ka vlerën 5 milionë euro dhe është me kapacitet shtesë prej 250 litra në sekond për përpunim të ujit. Kjo është kapaciteti i mjaftueshëm nëse marrim dy fabrikat ekzistuesja 220 dhe e reja me 250 dhe fabrika tjetër në Talinoc që është investim gjithashtu nga qeveritë e kaluara jo nga kjo eksiztuesja që ka kapacitet prej 40 litrave në sekond dhe kjo është mjaftueshëm përpunimi i ujit për nevojat e qytetarëve dhe gjitha fshatrave përreth”, ka thënë ai.
