Haliti tha se do të hapen konkurse që investitorët, sipas tij, të vijnë dhe të investojnë në këtë komunë.
“Ne mezi po presim që t’i hapim konkurset që investitorët të cilët janë të interesuar shumë edhe nga nga diaspora edhe vendas, por edhe ndërkombëtarë të vijnë dhe të investojnë sidomos në sferat përpunuese për shkak se nëse ne e bëjmë një rrumbullaksim të prodhimit dhe përpunimit, punësimi ka me qenë vërtet i madh, ndërsa edhe largimi i të rinjve ka me qenë më i vogël”, tha ai.
I pyetur se sa të rinjë do të punësohen në Komunën e Vitisë, me hapjen e konkurseve i pari i Vitisë tha se nuk mund të jipet një përgjigje statistikore, teksa theksoi se diasporës do t’i krijohen kushtet për investime në Viti.
“Nuk mund të themi statistikisht për shkak se është plan rregullativ, është i ndarë në parcela, do t’i shikojmë mundësitë dhe varet se çfarë biznese do të vinë aty për shkak se interesimi është i madh edhe nga diaspora që për ne është tepër me rëndësi, për shkak se deri tash na kanë mund remitencat nga diaspora kurse tash na duhen investimet. Në këtë kuptim do t’i krijojmë kushtet dhe parakushtet diasporës tonë që të investojë”, tha ai në Tëvë1/.
