Gjatë konferencës javore, Abazi tha se kryeministri i Shqipërisë, Edi Rama është pjesë e një rrjeti politik kriminal në Ballkan, duke shtuar se fjalimi i tij në KE, edhe qëndrimi i tij për
Ballkanin e Hapur e kanë dëmtuar dhe vazhdojnë e dëmtojnë rëndë interesin e Kosovës.
“Qasjen e rrezikshme nga Rama dhe Presidenti Vuçiq janë tri arsye, e para Rama nuk e njeh se kush është Vuçiqi, më shumë besoj që Rama është pjesë e një rrjeti politik të Ballkani qe mbahet gjallë nga ekonomia e luftës dhe ky rrjet ekonomik politik, e kriminal vazhdoj, janë në kundërshtim të një Ballkani të barabartë sepse Kosova ka thyer barrierat”, tha ai.
Sipas Abazit, fjalimi i Ramës në Këshillin e Evropës e ka dëmtuar dhe vazhdon ta dëmtoj interesin e Kosovës.
“Fjalimi i Ramës në KE, edhe qëndrimi i tij për Ballkanin e hapur e kanë dëmtuar dhe vazhdojnë e dëmtojnë rëndë interesin e vendit tonë”.
Abazi të premten e mbajti konferencën e dytë javore për medie, pasi ka premtuar se ditën e njëjtë do t’ia kushtoj çdo javë paraqitjeve publike.
