Si çdo ditë, erdhi në punë me veturën e tij.
Mirëpo kjo e mërkurë nuk ishte e zakonshme për ushtruesin e detyrës së drejtorit të Qendrës Klinike Universitare të Kosovës, Osman Hajdari.
Atij në makinën personale iu vendos një mjet shpërthyes.
E një orë pasi u paraqit në punë, në parkingun e administratës automjeti shpërtheu.
Në vendin e ngjarjes për ekzaminime të detajuara edhe pjesëtarët e “Skuadrës së Bombave” të policisë së Kosovës.
Shiriti i sigurisë nuk u largua as pas më shumë se katër orëve.
Ushtruesi i detyrës së drejtorit të QKUK-së, Osman Hajdari, është i bindur se shpërthimi lidhet me punën e tij.
Por Hajdari thotë se ndodhia e sotme nuk e frikëson dhe se do të vazhdoj punën e tij.
Osmani nuk beson që ky rast lidhet me anulimin e konkursit të martën, për zgjedhjen e drejtorit të ri të këtij institucioni.
Policia e Kosovës kanë treguar se rasti është nën hetim.
