Sulmuesi Erlind Haaland do të jetë zëvendësimi i brazilianit Vinicius Junior te skuadra e Real Madridit, ka raportuar “Marca” të hënën.
Bëhet e ditur se presidenti i Realit, Florentino Perez ka bërë planin në rast të largimit të Viniciusit, i cili po heziton ta rinovoj kontratën me klubin spanjoll.
Vinicius po kërkon të bëhet lojtari më i paguar në ekip për ta rinovuar kontratën që i skadon në vitin 2027, në të kundërtën ka paralajmëruar largimin.
Reali nuk është i gatshëm të plotësojë kërkesën e brazilianit, i cili në rast se nuk rinovon kontratën me kushtet e ofruara nga klubi, atëherë 25-vjeçari do të shitet verën tjetër në Arabinë Saudite.
Me largimin e Viniciusit, Reali do të hidhet në sulm për Erling Haalandin e Manchester Cityt, të cilin e sheh si zëvendësim ideal për brazilianin 25-vjeçar.
Haaland ka kontratë me Cityn deri në vitin 2034 dhe kartoni i tij vlerësohet mbi 150 milionë euro.
