Sulmuesi norvegjez Erling Haaland dha një intervistë të gjatë për BBC Sport, ku foli për sezonin “e tmerrshëm” të Manchester Cityt, i cili mund të përfundojë me një fitore të Kupës FA dhe vendin e tretë në kampionat.
“Ky sezon ka qenë i vështirë. Nuk është mirë të humbasësh kaq shumë ndeshje. Është e dhimbshme dhe nuk është argëtuese. Kjo është arsyeja pse duhet të përfundojmë mirë dhe të sjellim në shtëpi një trofe. Është një zakon i mirë të shkosh në “Wembley” dhe është gjithmonë e rëndësishme të fitosh.”
Ekipi i Pep Guardiolës, 18 pikë pas Liverpulit, ka qenë kampion i Anglisë për katër sezonet e fundit dhe fitoi Ligën e Kampioneve në vitin 2023:
“Nuk kemi bërë mjaftueshëm mirë në kampionat, por ende shpresojmë të kualifikohemi për Ligën e Kampionëve. Crystal Palace është një ekip vërtet i vështirë për t’u luajtur kundër tij, barazuam në ‘Selhurst Park’ dhe ata na e bënë shumë të vështirë në ‘Ettihad’. Është një ekip fantastik me lojtarë cilësorë. Nuk kemi qenë mjaftueshëm të qëndrueshëm këtë sezon dhe nuk kemi fituar mjaftueshëm ndeshje, është e thjeshtë. Duhet të luajmë më mirë në ndeshjet e mëdha. Nuk kemi fituar mjaftueshëm ndeshje radhazi. Sigurisht, kemi pasur lëndime gjatë gjithë sezonit. Por nuk duhet të kërkojmë justifikime. Nuk dhamë gjithçka nga vetja dhe nëse nuk je në formën tënde më të mirë në Premier League është shumë e vështirë”, deklaroi Haaland.
