Erling Haaland është një makineri golash për Manchester City-n. Sulmuesi norvegjes realizoi dy nga tre golat në fitoren 0-4 të skuadrës së Pep Guardiolës në fushën e Sevillas në ndeshjen e parë të fazës së grupeve të Championsit. Gjiganti nordik shënoi fillimisht në fundin e pjesës së parë, i shërbyer nga De Bruyne, ndërsa të dytin e realizoi në të 67-tën, këtë herë i asistuar nga Foden. Mes finalizimeve të Haalandit e tundi rrjetën edhe Foden, ndërsa në fund tundi rrjetën edhe Diaz.
Dy gola të Kylian Mbappesë brenda 22 minutave lojë I mjaftuan PSG-së për të marrë pikët e plota në Paris përballë Juventusit. “Zonja e Vjetër” reagoi në pjesën e dytë, por goli i McKennie-t nuk mjaftoi për të shmangur humbjen (2-1).
Celtic Glasgow rezistoi vetëm gjatë pjesës së parë përballë Realit të Madridit në “Celtic Park”. “Los Blacos” shpërthyen në pjesën e dytë me tre gola, të shënuar nga Vinicius Junior, Modric dhe Hazard.
Milani mori vetëm një pikë në fushën e Salzburgut, ku rezultati përfundimtar ishte 1-1. Fillimisht shënuan vendësit me Okafor, por kuqezinjtë u kundërpërgjigjën brenda pjesës së parë me Saelemaekers.
Benfica fitoi 1-0 me Maccabi Haifan, ndërsa Shakhtar Donjeck shkatërroi 1-4 Leipzigun.
