Të martën kanë nisur përgatitjet për ndërtimin e dy urave të reja mbi lumin Ibër, në veri të vendit, përmes një ceremonie ku është vendosur gurthemeli i tyre.
Në këtë ngjarje mori pjesë kryeministri në detyrë i Kosovës, Albin Kurti, bashkë me Faton Pecin dhe Agim Bahtirin, si dhe kryesuesi i Bordit të Përbashkët të dy komunave, Elbert Krasniqi, zëvendësministri në detyrë i Infrastrukturës, Hysen Durmishi.
Dy urat e reja do të ndërtohen në afërsi të Urës së Ibrit, në kuadër të një Memorandumi Bashkëpunimi të nënshkruar ndërmjet Ministrisë së Mjedisit, Planifikimit Hapësinor dhe Infrastrukturës dhe komunave të Mitrovicës së jugut dhe veriut.
Ky projekt infrastrukturor synon të përmirësojë ndërlidhjen dhe lëvizjen e lirë ndërmjet dy pjesëve të qytetit të Mitrovicës, duke përfaqësuar një hap drejt normalizimit dhe integrimit urban.
