Në “Info Nata” në Tëvë 1, Gruda theksoi se qëllimi i Qeverisë është që të largojë njerëz nga puna në administratë publike dhe t’i zëvendësojë ata me “militantë partiakë”.
Po ashtu, ai tha se ky ligj është në kundërshtim me Kushtetutën e shtetit.
“Problemi është këtu. Ky ligj është ndesh me Kushtetutën e Kosovës, sepse të drejtat që kanë fituar njerëzit me akt të emërimeve të përhershme që janë në punë, ata nuk mund të nxirren nga puna. Në atë mënyrë është ndesh me marrëveshje e Asociim-stabilizmit, të cilën Kosova e ka nënshkruar dhe që është dokumenti kryesor i orientimit evropian të Kosovës”, shtoi ai.
Për këtë çështje, Gruda sot ka mbajtur edhe një konferencë për media me ç’rast ka kërkuar tërheqjen e Ligjit për Zyrtarët Publik. Ai është shprehur se me ndryshimet e këtij Ligji, administrata do të politizohet dhe hapet mundësia e korrupsionit. /Teve1.info/
